ايوه انا المحامى الي تفكيري مختلف فى مهنتي و بحلم انقله واطبقه
- انا المحامى الي بحبها و بحترمها و فخور بيها و كرامتها بتجرى فى عروقى
- انا المحامى الي بنتقد المحامى الكبير الي بيتعامل مع المحامى انه مخلصاتى و ميديهوش مرتب مقبول و فى نفس الوقت بنتقد المحامى الشاب الي يقول مش بتعلم من أستاذى حاجة
- انا المحامى الي بنتقد المحامى المهزوز امام القضاء و النيابة و الشرطة و مقتنع ان الخطأ منا و فى نفس الوقت مقتنع ان النقابة لازم يكون ليها دور و اقوى و اكبر بكتير
- انا المحامى الى مع ضوابط التشغيل و كنت اتمنى تكون اشد عنفا و فى نفس الوقت مع ان لازم يتحط ضوابط للي عنده ظروف متعديش العامين و مقتنع برده ان لازم تتحط ضوابط
- انا الي بنتقد و بهاجم اى محامى لايهتم بزيه الرسمى ( البدلة و الكرافت ) فى اي مكان و زمان تتعامل بيه بصفتك و فى نفس الوقت مع ان لازم يتعمل معارض من النقابة محترمة
- انا الي مقتنع ان المحامى لازم يكون مثقف مش فهلوى بس مقتنع دوري الخدمى كنقابة اهيئ له البيئة الي يقدر يكون مختلف و طموحه يكبر
- ان المحامى الي بنتقد اى محامى بيفقد الفرق بين التواضع و الاحترام و بين انه يستخف دم و يعرض نفسه للسخرية مع هزاره المبالغ فيه مع السكرتارية و الموظفين
- انا المحامى الي بنتقد تعامل المحامى مع الموظفين و الخزن و مكينة التصوير
- انا المحامى الي بحزن ان الاستاذ او الاستاذة بيتخرجوا بيحطوا اخر اختيار المحاماة
- انا المحامى الي مقتنع ان المحامى لازم يكون طير حر و مقتنع ان الحصانة اكبر بكتير من الكارنيه و فى نفس الوقت مقتنع ان الظلم موجود و الاحباط من بعض الاشخاص فى المحاماة موجود بس احنا ضعاف لنا مقتنع ان مشكلتنا فى الهيبة الهيبة هى اساس عملك بتفقدها بعدة مواقف اول ما الهيبة تبدا تستعيدها مع بعض الرتوش الصغيرة دي والله و انا واثق فى يميني دنيتك هتختلف تماما
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ[الرعد:11] ربنا ادانا ادوات و عقول عشان نغير
انا عندي حماس اغير خدوني علي قد عقلي مش لازم عدد الناس لما تصدقنا هتلاقي كلهم بينضموا يالا نساعد عشان #هنرجع_هيبتنا
محمد عماد
المحامى
ليست هناك تعليقات:
إرسال تعليق